Rege Renominante

Parte I

In un terra, es un rege qui ama renominar le cosas.

Hodie, le rege in un via ambula. Ille vide un laborator, et le saluta.

• Reg.: Salute, mi amico!
• Lab.: A! Salute, mi domino!
• Reg.: Labora tu?
• Lab.: Sic es, mi domino!
• Reg.: O… Quid tu tene?
• Lab.: Hoc? Es un martello.
• Reg.: Ben. Como tu lo usa?
• Lab.: Ben… Io batte per illo.
• Reg.: Ben. Me responde, mi amico. Nonne martello non valde belle es?
• Lab.: Quid?
• Reg.: Io te dona un nove verbo! Non martello, sed dice battente. Nonne melior es?
• Lab.: O… Certe, mi domino!
• Reg.: Ben. Dice al alteres hoc nove vocabulo que omnes dicera.
• Lab.: Ben… Mi domino. Adeo!
• Reg.: Adeo! Mi amico!

Postquam le rege al castello retorna, ille scribe un nove linea in le Nove Dictionario: “battente, non martello”.

Hoc dictionario jam habe plus quam multe centos vocabulos nove. In illo, non dice philosophia, sed cogitation magne; non dice grammatica, sed regulas de lingua; non dice comedia, sed ridentificante.

Parte II

Le die sequente, le rege in le mercato ambula. Ille vide le laborator del die previe qui parla cum un mercator. Tamen, ille les non audi, quia ab ille es nimis longe ad illes.

Le laborator et le mercator parla.

• Lab.: Habe tu… battentes?
• Mer.: …? Quid es?
• Lab.: …Martello. Habe tu martellos?
• Mer.: A! Certe! Tamen… Quare sic diceva tu?
• Lab.: …Heri, le rege me diceva que omnes dicera battente, et non martello.
• Mer.: Quid?! Le rege te diceva?! Quam stupide es!
• Lab.: Non sic dice! Es le rege!
• Mer.: Sed es ridicule! Forsan era solmente pro rider?
• Lab.: Non sape… Sed tal nove verbos son jam plus quam centos!
• Mer.: Attende… Le rege veni!

Le rege veni. Felicemente, ille les non audiva.

• Reg.: Salute, mi amicos!
• Lab. & Mer.: A! Salute, mi domino!
• Reg.: Quid tu age? Mi amico?
• Lab.: Io vole emer un nove…
• Mer.: …
• Reg.: A! Tu vole emer un nove martello?
• Lab.: A… Sic es. Io vole emer un nove… battente…
• Reg.: …? A… A! Ben! Un battente nove tu vole!
• Mer.: Sic es, mi domino… Et quid tu vole?
• Reg.: Nil. Io veni pro solmente vos salutar. Etiam, heri le Nove Dictionario habeva dece nove vocabulos. Non oblida lo leger!
• Lab. & Mer.: Certe, mi domino! Non oblidara!
• Reg.: Ben, mi amicos. Adeo!
• Lab. & Mer.: Adeo, mi domino!

Le rege parti. Le laborator et le mercator parla.

• Mer.: Ben… Io non legera iste dictionario, neque usara iste verbos.
• Lab.: Io neque vole.

Parte III

Post multe annos, le rege moriva.

Jam le rege morte es, un rege nove veni. Ille non ama le vocabulos nove del rege previe, et sape le homines los neque amar. Itaque, ille ad tote dice le vocabulos vetere poter esser dicite, et desere le Nove Dictionario.

Omnes felice son, et jam non usa le vocabulos nove. Al fin, on nomina le rege previe le Rege Renominante, et omnes parla le vocabulos vetere.